محاربة غلاء الأسعار تقدر تولي كارثة في المغرب

0:00بزاف ديال المرات كنسمعوا في التلفزة ولا في الصحافة شي خبر على اقتصاد البلاد،

0:03ولا شي حاجة في الزيادة د الأسعار، ولا شي قانون اقتصادي جديد دارتو الحكومة.

0:08كتسمعوا مثلا على الدعم، على الضرائب، على المحروقات،

0:11على الكرا، ولا على شي أزمة في العملة.

0:14ولكن كيجينا صعيب نفهموا المعنى ديال داك الشيء،

0:17وشنو غادي تكون النتائج ديالو على حياتنا العادية.

0:21ولكن المشكل ماشي حيت الاقتصاد ولا المبادئ ديالو صعاب.

0:24المشكل هو أن الخطاب السياسي والمصطلحات الرنانة الاقتصادية اللي كيخدموا بها

0:29هما اللي صعاب. هما اللي كيبينوا لينا داك الشيء غامض وصعيب نفهموه.

0:33كيبان لينا أن الاقتصاد علم خاص غير بالوزراء والخبراء

0:37وهاد الناس اللي كيهضروا في البلاطوات ديال دوزيم بكلام كبير،

0:41حيت هما بغاوه يبان معقد وبعيد علينا.

0:44وهاد المبادئ الأساسية ديال الاقتصاد راه ماشي جديدة،

0:48وماشي خاصة بمجتمع دون آخر.

0:51هاد المبادئ هي قديمة وتطبقات هادي آلاف السنين،

0:54كيف ما بغا يكون النوع ديال الاقتصاد المطبق في البلاد،

0:57من رأسمالية، اشتراكية، إقطاعية،

1:00وكيف ما بغا يكون الشعب ولا الثقافة ولا الحكومة،

1:03ولا خلافة، إمبراطورية، ملكية، ولا جمهورية.

1:07فكيبقاو نفس المشاكل ونفس التساؤلات.

1:10ويقدروا يكونوا السياسات اللي خلات الأسعار ترتفع في عهد الخليفة معاوية

1:13هي نفس السياسات اللي أدت لارتفاع الأسعار في أمريكا في عهد

1:17بايدن ولا في عهد ترامب ولا في المغرب في القرن 21.

1:20ويقدروا يكونوا نفس القوانين ديال التحكم في الكرا في القاهرة

1:24والرباط عندهم نفس التأثير فاش تطبقوا في نيويورك ولا في ساو باولو.

1:28النظام السياسي يقدر يبدل اللغة، ويقدر يبدل الشعارات

1:32ويبدل اللافتات، ولكن ما يقدرش يبدل الأساس علاش مبني هاد الشيء كامل،

1:37واللي هو الندرة، أو rareté، ou en anglais: scarcity.

1:42ولكن قبل ما نبداو نفهموا المبادئ ديال الاقتصاد اللي غادي تعاوننا نفهموا الأحداث

1:45اللي كندوزوا منها، بحال غلاء الأسعار، خاصنا نعرفوا بعدا شنو هو الاقتصاد.

1:50فالاقتصاد ديما كنفكروا فيه على أساس أنه نظام

1:53ديال توزيع السلع والخدمات اللي كنستعملوا في الحياة اليومية.

1:56ولكن هذا ماشي هو تعريف لشنو هو الاقتصاد.

1:59فمثلا، تخيل أنك متي ومشيتي للجنة،

2:02فالجنة غادي يكون فيها شي نظام باش يتم توزيع أي سلعة،

2:06أو خدمة، أو أي حاجة بغيتيها أو تخيلتيها.

2:10ولكن ما يمكنش نقولوا أن الجنة فيها اقتصاد.

2:13ببساطة، حيت كل شيء كاين بطريقة غير محدودة في الجنة.

2:18ما كاينش الخوف من النفاد، أن داك الشيء يتقاضى، ما كاينش الخصاص،

2:23وما كاينش المقايضة، ما كاينش نجي نعطيك شي حاجة باش ناخد شي حاجة أخرى.

2:27فما كاينش هاد الاختيار الصعيب بين حاجة أو أخرى.

2:30وهاد الشيء علاش الاقتصاد جاي من فعل اقتصد،

2:33يعني عندو علاقة بالندرة والمحدودية.

2:36والندرة هنا ما كنعنيش بها الفقر.

2:38الندرة كتعني أن داك الشي اللي بغينا كاملين قل من داك الشي اللي كاين.

2:42أو كيف قال عالم الاقتصاد البريطاني ليونيل روبنز

2:45علم الاقتصاد هو دراسة استخدام الموارد المحدودة

2:49اللي ممكن نديرو ليها استخدامات بديلة.

2:52فهاد المفهوم هذا كيبان ساهل لكن هو في الحقيقة كيتفهم بطريقة خاطئة بزاف.

2:57حيت فكرة الموارد المحدودة والاستعمالات المتعددة

3:01كتضيع بزاف في النقاشات السياسية.

3:04فمثلا هاد المقال ديال نيويورك تايمز كيهضر على الطبقة المتوسطة

3:07الأمريكية وكيفاش مزيرة حياتهم تحت عنوان

3:10The American Middle, Just Getting By مع أن الصورة فيها عائلة

3:15فيها عندها دار فيها بيسين والناس المنتمين لهاد الطبقة المتوسطة

3:19الأمريكية كيتعتبروا أغنياء إلى قارنتيهم مع أغلب سكان الكرة الأرضية.

3:24ومع ذلك المقال كيبين على أنهم عايشين مكرفسين وبالسيف باش يلقاو كيفاش يعيشوا.

3:29وهذا مع العلم أن داك الشي اللي عند هاد الطبقة المتوسطة

3:32كيتعتبر ازدهار ورخاء كبير عند ناس بزاف ديال البلدان الأخرى

3:37وحتى مقارنة مع الأمريكيين اللي عاشوا هادي 20 ولا 30 عام.

3:41وهاد المقال ديال The Guardian كيعاود نفس الشيء على الطبقة المتوسطة

3:44البريطانية وكيفاش الشباب ديالها حتى هو عايش في الهشاشة.

3:48فالفكرة ماشي هي نقلل من المشاكل ديال هاد الناس لكن الفكرة

3:50هي أن الصحفيين والخبراء وحتى الناس العاديين

3:54كتجيهم غريبة أن بنادم يكون عندو حدود لشحال ممكن يصرف.

3:58بغض النظر على السياسات الاقتصادية واش مزيانة ولا قبيحة.

4:02ضروري ما غادي يكون عند أي واحد فينا شي ليميت ديال شحال ممكن يصرف.

4:06وما يمكنش يشري ولا يدير أي حاجة بغاها حيت ما كايناش موارد كافية لينا.

4:11وضروري غادي يكونوا احتياجات اللي ما نقدروش نلبيوهم وخا نكونوا في نظام راسمالي،

4:16اشتراكي، ولا تكون عايش في سويسرا، السعودية ولا في قطر.

4:20وهاد الفكرة نيت كيعبر عليها عالم الاقتصاد الأمريكي سويل فاش قال

4:24There are no solutions, only trade-offs.

4:26يعني ما كاينش حلول، كاين غير تنازلات.

4:29فكل قرار اقتصادي هو اختيار بين حاجة وحاجة أخرى.

4:32فملي كتختار مثلا فلوسك تصرفهم في شي حاجة

4:35راك تلقائيا ما صرفتيهمش في الحاجة الأخرى.

4:38وفي المغرب نفس المنطق كيبان في الدعم، كنبغيو البوطا، الخبز، السكر يبقاو رخاص.

4:43وحتى المحروقات ما يطلعوش، لكن صندوق المقاصة اللي كيخلص معانا

4:47ما كيخلقش هاد الموارد من فراغ.

4:49فغير كيخبي الثمن الحقيقي في ميزانية الدولة.

4:53فالمغرب حيد الدعم ديال المازوط والبنزين تدريجيا في 2014 و2015

4:58وركز الدعم على الدقيق والسكر والغاز.

5:01يعني إلى خلصتي البوطا رخيصة في الحانوت كاين واحد آخر كيخلص الفرق

5:05من خلال الضرائب ولا من خلال النقص في الخدمات العمومية.

5:09وفاش كتسمع بنادم كيقول الدولة خاصها تنقص الثمن

5:12السؤال كيولي واش الثمن غادي ينقص حيت الإنتاج تزاد

5:15ولا غير حيت الدولة خبات الفرق فشي بلاصة أخرى.

5:19حيت الأسعار والأثمنة دايرين بحال شي تيرمومتر ديال الحرارة.

5:23فإلى درتيه وقال لك عندك 40 درجة ديال الحرارة وما عجبكش هاد الرقم وهرستيه

5:28فالسخانة ديالك ما غاديش تمشي، غير ما بقيتيش كتشوف داك الرقم.

5:31دونك، غالبا درتي راسك في خطر أكبر حيت ما بقيتيش متبع درجة الحرارة ديالك.

5:38وهاد الشيء نيت هو اللي كنديرو إلى تحكمنا بالأسعار

5:40غير حيت ما عجبوناش الأرقام اللي فيها.

5:44وهنا كيجي دور علم الاقتصاد اللي كيدرس عواقب القرارات اللي كدار في أرض الواقع.

5:49وهاد القرارات تقدر تكون أكثر أهمية من الموارد براسها ديال البلاد.

5:54فكاين دول عندها موارد قليلة بحال مثلا سويسرا واليابان.

5:58لكن المستوى د العيش ديالهم طالع بزاف.

6:01وكاين دول عندها موارد كثيرة بحال فنزويلا والبترول كثير،

6:05ومع ذلك الاقتصاد ديالها انهار والناس فيها عايشين الخصاص والمجاعة.

6:09وهذا جزء آخر كيشكل الاقتصاد مع الندرة اللي هضرنا عليها

6:14وهو الاستعمالات البديلة للموارد، واللي هي النواة ديال الاقتصاد الناجح.

6:18فالمشكل الكبير ماشي أشمن موارد عندك،

6:20المشكل هو كيفاش تستعمل هاد الشيء بطريقة ذكية.

6:24حيت كون كل مورد عندو استعمال واحد، كون الاقتصاد كان ساهل.

6:29لكن مثلا الماء ممكن تخدمو باش تشرب، تسقي،

6:32دير بيه الثلج ولا دير بيه البخار، ولا تخدمو فزراعة لافوكا ولا الدلاح،

6:36ولا تخدمو فشي منشأة ديال الطاقة.

6:40نفس الشيء بالنسبة للبترول اللي ممكن دير بيه بزاف د الحوايج

6:44بحال الكازوال ولا البلاستيك ولا تقاد بيه فازلين، ولا مئات المنتجات الأخرى.

6:49والأرض حتى هي ممكن تزرع فيها القمح ولا الدلاح

6:52ولا تخليها غابة ولا تبني فوقها شي سكن. فالسؤال الرئيسي هنا

6:56اللي كيحاول يجاوب عليه العلم ديال الاقتصاد هو كيفاش

7:00وشحال القدر اللي خاص يتخصص لكل مورد فشي استعمال معين.

7:04والجواب ديال هاد السؤال كياثر على المجتمع كامل.

7:07فمثلا في الوقيتة ديال الاتحاد السوفياتي، القطاع ديال الصناعة كان كيستهلك

7:12فهاد الشيء ديال الطاقة والموارد كثر

7:14بزاف من داك الشيء اللي كيستهلكو القطاع الصناعي الأمريكي.

7:18ومع ذلك كانو كينتجو كمية أقل من ميريكان.

7:21واخا أن الاتحاد السوفياتي كان من أكبر منتجي الطاقة في العالم،

7:25وكان من الدول القلال اللي كتنتج النفط كثر من داك الشيء اللي كتستهلك.

7:29لكن الوفرة ديال المواد ما كتعطيش بالضرورة الوفرة

7:32فالسلع والوفرة فالرخاء فالحياة.

7:35يعني تقدر تكون كالس فوق الثروة، لكن إلى كان النظام ديالك كيعطي أوامر

7:39غبية وما كيسمعش للثمن فالثروة ديالك غادي تضيع على البلاد وعلى المواطن.

7:44ودابا ندوزو للدور ديال الأسعار فهاد الشيء كامل.

7:47السؤال اللي خاص نسولو هو كيفاش ممكن الاقتصاد يدير

7:50هاد القضية ديال توزيع الموارد اللي ممكن نخدموها في بزاف ديال الحوايج.

7:54والجواب غادي يختلف على حساب نوع الاقتصاد.

7:57فالعصور الوسطى وحتى دابا فشي بلدان إقطاعية، اللورد أو الحاكم هو اللي كيعطي

8:02الأوامر للناس اللي تحت السلطة ديالو بشنو خاص يديرو وكيفاش يوزعو الموارد.

8:06يقدر يأمرهم باش يزرعو الشعير

8:09بزاف والقمح قل، على حساب گانتو.

8:12ونفس الشيء تقريباً في المجتمعات الشيوعية. مع أن النظام الاقتصادي عند...

8:17فـ... فالاتحاد السوفياتي كان معقد،

8:19لكن كان قريب بزاف لهاد النظام ديال العصور الوسطى.

8:22يعني بلاصة اللورد، رجعات الدولة هي اللي غادي تعطي الأوامر كاملة.

8:26فغادي مثلاً تتقول ليهم ديرو الحديد في سيبيريا، تزرعو القمح في أوكرانيا.

8:31والدولة والرجالات ديالها هما اللي كيحددو الكبيرة والصغيرة في اقتصاد البلاد.

8:35بينما في اقتصاد السوق، ما كاينش شي واحد في القمة كيعطي الأوامر

8:38ولا كيسيطر ولا كينسق النشاطات الاقتصادية.

8:42وبزاف ديال الناس كيجيهم غريب كيفاش اقتصاد معقد ديال دولة على قدها بحال مثلاً

8:46ميريكان، النگليز، ولا اليابان، يقدر يخدم بوحدو بلا أي إشراف مركزي.

8:51والجواب، هو الأسعار.

8:53فكاينة واحد القصة كتعاود على ميخائيل غورباتشوف،

8:55آخر رئيس ديال الاتحاد السوفياتي، نهار تلاقى مع مارغريت تاتشر،

9:00اللي كانت رئيسة الوزراء ديال النگليز،

9:02سولها كيفاش كتضمن الماكلة توصل في الوقت للناس.

9:06والجواب على حساب ما كيعاودو، أنها قالت ليه ماشي هي اللي كتضمن هاد الشيء،

9:09لكن الأسعار هي اللي كدير هاد الخدمة.

9:11وفعلاً النگليز في 2023 الإنتاج المحلي ديالها كان كيغطي

9:15تقريباً 62% من المجموع ديال الغذاء ديال البلاد،

9:19ومع ذلك المحلات كتكون عامرة،

9:21حيت الأسعار والتجارة الدولية كيجيبو الماكلة من بلايص بزاف.

9:25وبريطانيا ما كانتش كتنتج اللي يكفيها هادي أكثر من قرن،

9:29لكن الأسعار هي اللي كتجيب ليها الماكلة من دول أخرى.

9:32فبدون هاد الحرية ديال الأسعار،

9:35فممكن أنك تخيل البيروقراطية الكبيرة اللي خاصها باش تضمن أن مدينة بحال لندن،

9:40ولا نيويورك، ولا كازا، يكون عندها داك الشيء اللي يكفيها من الأكل اليومي.

9:45يعني خاصك شي واحد اللي يبدا يحسب ليك شحال خاص د الحليب،

9:48البيض، اللحم، الخضرة، القهوة، ولا حتى الماكلة ديال الكلاب.

9:52ماشي غير الكمية، خاص تعرف مثلاً الذوق، الجودة، التوقيت ديال النقل، التخزين،

9:58تبقى تابع مع التغيرات المفاجئة ويبقى شاد الحساب مع كلشي.

10:03ومع ذلك المدن ما محتاجينش هاد الجيش الكبير ديال المسؤولين باش يديرو

10:06هاد الخدمة، حيت بسهولة الأسعار هي اللي دايرة هاد الخدمة كاملة،

10:11بطريقة أسرع وأرخص.

10:13وحيت أي اقتصاد فيه ملايين ديال المنتجات، ما يمكنش لأي مسؤول، ولا رئيس،

10:17ولا ملك، ولا إمبراطور أنه يعرف المنتجات كاملة اللي عندو في البلاد،

10:22ولا بالأحرى شحال ديال الموارد اللي تتخصص للإنتاج

10:25ديال كل منتوج من ملايين المنتوجات.

10:28لكن الأسعار الحرة ممكن تدير هاد الدور بسهولة.

10:31ونيت من بعد الحرب العالمية الثانية،

10:34المراكنة مثلاً بداو كيشريو الكاميرات اليابانية حتى قبل

10:37ما المسؤولين فواشنطن يعرفوا أن اليابان بدات كتقاد الكاميرات.

10:41فالسوق سمع قبل من الحكومة وقبل ما يعرفوا المسؤولين.

10:45والاقتصادي فريدريك هايك شرح هاد الفكرة هادي بطريقة زوينة.

10:48فقال لك: الثمن ماشي غير رقم، الثمن وسيلة

10:51باش تجمع المعلومات المشعبة عند ملايين ديال الناس.

10:54معلومات ما يقدرش يعرفها شخص واحد ولا وزارة وحدة.

10:57واخا تكون عندهم أحسن النوايا في العالم أو يكونوا أكثر ناس الله يعمرها دار.

11:02وهاد الأسعار الحرة غادي تدير خدمتها مزيان

11:05وخا يكونوا الحكام ما عندهم حتى دراية بالاقتصاد.

11:08وكي كتبت مارغريت تاتشر نيت في المذكرات ديالها

11:11أن غورباتشوف ما كانش كيفهم حتى حاجة في الاقتصاد.

11:14مع أنه كان الزعيم ديال أكبر ولا ثاني أكبر دولة في العالم.

11:18وماشي غير هو، لكن بزاف ديال الزعماء ديال الدول كبيرة ولا صغيرة،

11:22ديمقراطية ولا لا، حكامها ما كيفهموش مزيان في الاقتصاد.

11:25لكن في الدول اللي الأسعار حرة فيها هاد النقص في المعرفة ما كيهمش بزاف،

11:30حيت ماشي الزعيم هو اللي غادي يوجه لك النشاط الاقتصادي.

11:34الصين مثال كبير على هاد البلان هذا.

11:36فالصين فيها تقريباً 20% من سكان الكرة الأرضية،

11:40لكن فيها غير حوالي 10% من أراضي العالم الصالحة للزراعة.

11:44وهادشي علاش عبر التاريخ كان إطعام هاد العدد الكبير،

11:47هاد العدد الهائل من الناس مشكل في ظل النظام الشيوعي.

11:51ففي مرحلة القفزة العظيمة للأمام اللي كيعيطوا لها بالشينوية دايوجين

11:56اللي كانت واحد الحملة اقتصادية واجتماعية دارها الحزب الشيوعي

11:59الصيني بين 1958 و61،

12:02طرا فيها وحدة من أكبر المجاعات في التاريخ الحديث بسبب السياسات ديال ماوتسيتونغ،

12:07وتسببات في الوفاة ديال 30 مليون شخص.

12:10وكاين حتى دراسات ديال واحد المؤرخ سميتو فرانك ديكوتر في الكتاب ديالو

12:15The Great Famine ولا Mao's Great Famine

12:17كيقدر العدد بـ45 مليون وفاة.

12:21والسبب ماشي غير حيت ما كانش عندهم أرض فين يزرعوا.

12:24السبب الكبير كان أوامر سياسية اللي قتلات المعلومة وقتلات الحافز

12:28حتى وقع عندهم انهيار كبير ديال الاقتصاد.

12:33لكن فاش قرب يدخل القرن 21،

12:35الصين بدلات جزء كبير من النظام الاقتصادي ديالها للسوق الحر،

12:40والأسعار الحرة هي اللي ولات كتكلف بالإطعام ديال الشعب.

12:44ودابا مثلاً كاين عندهم في... في الصين شركة ديال KFC

12:47الأمريكية ديال الدجاج، ولات عندها آلاف المطاعم في الصين،

12:51وكتعتبر من أكبر سلاسل الأكل السريع تماك.

12:54والاستهلاك ديال الصين لمنتجات الحليب تضاعف في سنوات قليلة.

12:58بل كاين دراسات بينات على أن كاين ارتفاع كبير في السمنة عند الشباب الصيني،

13:03لدرجة أن الدولة ولات كتهضر عليها بحال مشكل صحي. وهنا كاين المفارقة:

13:08نفس البلاد اللي عرفات مجاعة كارثية قتلات عشرات الملايين،

13:12ولات كتواجه مشاكل ديال الإفراط فالأكل.

13:15ولكن خاص نتفكرو غير هادي 50 عام بنادم كان كيموت بالمجاعة.

13:20فالفرق بين الجوع والوفرة كان فرق بين نظام كيسيطر على الثمن

13:25ونظام كيخلي ملايين الناس ينتجو ينقلو، يبيعو، ويشريو بالحرية ديالهم.

13:30وفوق ما كنهضر مع بزاف ديال الناس على هادشي ديال حرية الأسعار والأثمنة

13:35فبزاف ديال الناس كيسحاب ليهم أن الأسعار هي فقط حاجز باش ياخدو داك الشي اللي بغاو.

13:40بحال مثلاً بنادم بغا يشري فيلا كتطل على البحر

13:44غادي يلقى الثمن غالي وغادي يبدل الفكرة ديالو وشرى فقنت آخر.

13:48وغيْحس أن الثمن هو اللي حرمو منها.

13:51لكن الثمن الغالي ديال الديور على البحر مثلاً

13:54ماشي هو علاش ماشي كاملين قادرين أننا نعيشو فيهم.

13:58فالسبب الحقيقي هو أنه فالأصل ما كاينش عدد

14:00كافي ديال هاد النوع ديال الديور اللي يتسع لكلشي.

14:04وهادشي علاش الثمن ديالهم كيطلع بارتفاع الطلب وبانخفاض العرض.

14:08فالثمن غير كيعطيك الخبر على أن هاد الحاجة قليلة ونادرة.

14:13يعني غدا إلا مثلاً الحكومة دارت قانون أن الفيلات على البحر فالرباط

14:16مثلاً هي حق لجميع المغاربة بالكرا ديال 1000 درهم للشهر.

14:21فهاد القضية ما غاديش تغير الحقيقة أنه كاين عدد

14:24كبير ديال الناس مقابل عدد صغير ديال الفيلات على البحر.

14:28وهاد القانون ما غاديش يخلق بحر جديد ولا فيلات كافيين لكلشي.

14:32لكن فعلاً إلا تدار قانون فـ بدل ما يتم تفريق هاد الديور باستعمال الثمن غادي يولي

14:38يتم التفريق ديالهم بطريقة بيروقراطية ولا بداكشي ديال باك صاحبي

14:41بمحسوبية سياسية، ولا بالقرعة، ولا بالرشوة، ولا بشي طريقة عشوائية.

14:46لكن ضروري ما غادي تكون شي طريقة باش نفرقو هاد الديور على عدد صغير ديال المواطنين.

14:51واخا يديرو فالقانون أن الفيلا على البحر حق إنساني لكل مغربي.

14:56فالثمن فهاد الحالة ماشي ظلم.

14:58الثمن هو اللي كيقول لينا الحقيقة اللي السياسة ما بغاتش تقولها:

15:02الطلب غيكون كبير والعرض قليل.

15:04ونفس الشي ملي الثمن كينقص، بزاف ديال المرات كينقل لينا معلومة مزيانة.

15:08مثلاً les ordinateurs غاديين وكيوليو مجهدين،

15:10لكن أيضاً كينقصو فالثمن عام على عام بسبب التطور التكنولوجي.

15:15فمكتب الإحصاء ديال العمل الأمريكي لقى أن مؤشر أسعار les ordinateurs

15:19الشخصية هبط بـ 96% بين 1997

15:24و2015 ومع التحسن الكبير فالجودة ديالها.

15:28وأغلب المستخدمين ديال les ordinateurs

15:30دابا ما عارفينش شنو بالضبط اللي خلاها ترخاص،

15:33ولا عارفين التفاصيل التقنية، ولا... ولكن هما عارفين فقط

15:37النتيجة اللي كيرمز ليها الثمن واللي كتخلي المستهلك يعرف شنو يشري.

15:41وفنفس الفكرة، إلا تم اكتشاف شي منجم كبير ديال الحديد فالغابون ولا فـ زيمبابوي،

15:46أغلب سكان الأرض ما غاديش يسمعو بهاد الاكتشاف،

15:49لكن غادي يبداو يلاحظو أن المواد المصنوعة من الحديد بدات كترخاص.

15:53وهاد القضية غتأثر على طريقة الشراء ديالهم، فبلاص ما يشري طبلة ديال الخشب

15:57يقدر يشري مثلا طبلة د الحديد، بلا ما تكون عندو أدنى فكرة على داك الاكتشاف.

16:03فهادي معلومة وصلاتو، بلا نشرة إخبارية وبلا اجتماع حكومي ولا خطاب رسمي.

16:08فالأسعار ماشي غير وسيلة باش تنقل الفلوس، الأسعار لغة، كتقول للمستهلك:

16:13هاد الحاجة قليلة بزاف، ولا هادي ولات متوفرة بزاف،

16:16ولا هادي حاجة خاصك تقتصد فيها، ولا هادي حاجة خاصك تبدلها بشي حاجة خرى.

16:20والأسعار كتأثر حتى على المنتجين بحال كيما كتأثر على المستهلكين،

16:25حيت المنتجين ما يمكنش يعرفو بالضبط شنو بغاو ملايين د المستهلكين.

16:30فمثلا المصنعين ديال الطوموبيلات كيديرو شي طوموبيل بمميزات معينة،

16:34والهدف هو يبيعوها بسعر كيغطي تكاليف الإنتاج ويخلي ليهم الربح.

16:39لكن فاش كيصنعو شي طوموبيل بمميزات خرى ما عجباتش الناس،

16:42هاد الطوموبيل تقدر ما تباعش بنفس الكمية.

16:45وباش يتخلصو منها غادي يخصهم ينقصو الأسعار حتى لمستوى كافي،

16:48وخا يعني أنهم يبيعوها بالخسارة.

16:51سينو البديل غادي يكون خسارة كبر: أن الطوموبيلات واقفة،

16:54وراس المال مشى، والمصنع خدام فشي حاجة خرى اللي الناس ما بغاوهاش.

16:59ومع أن النظام الرأسمالي كيتسمى نظام ربح، فالحقيقة هو أنه نظام ربح وخسارة.

17:05والخسارة مهمة بنفس القدر ديال الربح باش يكون عندك اقتصاد كفء.

17:10حيت الخسائر كتعلم المنتجين بشنو خاص يوقفو وشنو خاص يصنعو،

17:14بلا ما يعرفو علاش المستهلك بغا هاد الشيء، ولا علاش ما بغاهش.

17:18الربح كيقول للمنتج: راك كتستعمل الموارد بطريقة اللي الناس مستعدة تخلص عليها.

17:23والخسارة كتقول ليه:

17:24راك كتستعمل موارد نادرة فشي حاجة اللي الناس ما عطاوهاش نفس القيمة.

17:28ومع أن المنتج كيضرب غير على راسو فهاد القصة هادي،

17:31لكن فالأخير كتلقاه كيخدم الموارد المتاحة بطريقة

17:34مزيانة اللي تنفع المجتمع، وتعطي للمستهلك داك الشيء اللي بغا.

17:38ماشي حيت قلبو كبير، ولكن حيت إلا ما دارش هاد الشيء اللي المستهلك باغي غادي يخسر.

17:44فمثلا إلا صنعتي زيت أركان وطاحت عليك بـ700 درهم،

17:47وميم درتي ليها بروموسيون ديال 600 درهم،

17:50ماشي بالضرورة بنادم غيشريها من عندك إلا كان شي واحد آخر كيبيعها بـ500 درهم.

17:55ومع أن هاد القضية كتبان واضحة، ولكن الآثار ديالها ما كيكونوش واضحين للناس.

17:59وغالبا ما كيلصقو ارتفاع الأثمنة بالطمع.

18:02وهنا خاصنا نفكرو غير شوية، حيت هادي واحد المغالطة كبيرة.

18:06ملي مثلا الديور ولا الخرفان كيغلاو،

18:10الصحافة وحتى الناس كتقول الطمع هو اللي طلع الأثمنة.

18:13ولكن خلينا نفكرو غير شوية هنا: الطمع ديما كاين.

18:17والناس اللي كيديرو التجارة ديما باغيين الربح،

18:19يعني باغيين الربح البارح واليوم وغدا.

18:22يعني إلا كان الطمع هو اللي كيحرك الأثمنة، علاش الأثمنة كطلع مرة وكتهبط مرة؟

18:27فشوف غير ديك البابل العقارية اللي كانت فميريكان فبداية الألفين.

18:33الأثمنة طلعات بزاف حيت بزاف ديال الناس بغاو يشريو.

18:36ومن بعد فاش نقص الطلب، الديور بقات معروضة مدة طويلة،

18:40وحتى الديور الجداد ولات رخيصة وما كتباعش دغيا، وهبطات فالأثمنة بزاف.

18:45ماشي حيت صحاب العقار رجعو أقل طمعاً،

18:48لكن حيت ما قدروش يبيعو بنفس الثمن، حيت ناس قلال اللي بغاو يشريو.

18:53فالمنافسة فالسوق هي اللي كتحدد المبلغ اللي ممكن البياع ياخد،

18:57وماشي التصرفات ديال أي شخص وخا يكون طماع ولا لا.

19:01وسوق الحوالة فالمغرب فـ2026 كيورينا علاش الثمن كيكون أصدق من البلاغات الرسمية.

19:07فالدولة قالت أن القطيع وصل تقريباً لـ40 مليون رأس، وقالت أن العرض

19:11ديال الغنم والماعز ديال العيد بين 8 و9 د المليون ديال، ديال الخرفان،

19:16والطلب غيكون بين 6 و7 د المليون، يعني بالمنطق خاص الثمن يطيح.

19:21لكن فالواقع الناس كانو باقي كيلقاو الحولي بـ5000 درهم ولا أكثر.

19:25وهنا كيبان أن رقم العرض ما كانش كيشرح الحقيقة كاملة.

19:29حيت الحولي اللي محسوب فالإحصاء الوطني ماشي بالضرورة هو حولي ذكر

19:34وواجد للعيد، وقريب من كازا ولا الرباط ولا مراكش فالسيمانة الأخيرة ديال العيد.

19:39وزيد عليها أن دعم الدولة ما كيهبطش الثمن بوحدو.

19:43فـ، فـ2025 الدولة عطات دعم مباشر للكسابة،

19:48وزادت منحة باش يحافضو على الإناث ديال الغنم باش يتوالدو.

19:51هاد الشي ممكن يعاون القطيع على المدى الطويل، لكن فالمقابل كيخلي

19:55الكسابة يشدو دوك الخرفان الإناث وما يبيعوهمش،

19:59والسوق ديال اللحم كيبقى يستهلك الذكور طول العام.

20:02يعني تقدر تشوف فالأرقام قطيع كبير ديال، ديال، ديال الغنم،

20:06لكن ملي كتوصل نهار العيد،

20:08العرض الحقيقي ديال داك الحولي اللي باغيه الناس كيكون باقي محدود.

20:13ونفس المنطق شفناه من قبل فدعم الاستيراد فـ2023،

20:18فاش الدولة حيدات الـTVA

20:20والجمارك، وعطات 500 درهم على كل حولي مستورد، وصرفات 437 مليون درهم.

20:25لكن الثمن ما طاحش للمستهلك، حيت الدعم

20:28ما كيجبرش داك اللي كيبيع أنه يبيعو رخيص.

20:32وغالباً غير كينقل الفلوس من دافع الضرائب اللي هو نتا

20:35لشي منتج ولا مستورد ولا شي وسيط.

20:38والثمن هنا كيبين لينا أن الحولي اللي باغينو الناس فالبلاصة اللي باغينو فيها،

20:42وفالوقت اللي باغينو فيها، مازال باقي قليل.

20:46زيد عليه أن الوسطاء اللي كيزيدو بزاف فالهوامش ديال الربح

20:49والطلب القوي من بعد عام 2025 اللي ما عيدناش فيه.

20:53فهنا الثمن ماشي كيكذب على الواقع،

20:56الثمن هنا كيكشف داك الجزء من الواقع اللي ما باينش فالأرقام الرسمية.

21:00لكن مع هاد الغلاء ديال الحولي أو ديال الأسعار،

21:03أنك تطلب الدولة تقنن الثمن ديالو،

21:05فغير غادي يخلق ظواهر غريبة اللي غادي تضر كلشي. كلشي.

21:10فالأنظمة الاقتصادية فين الأسعار كتكون مقننة،

21:12ما كديرش خدمتها الأساسية فـ نقل المعلومة، وكتترون القضية بالصح.

21:17فمثلاً كي قلنا قبيلات، فـ الوقيتة ديال الاتحاد السوفياتي،

21:20كانوا الأسعار كيتّاخْدو من طرف موظفين ديال الدولة، وماشي بالعرض والطلب.

21:24وهادشي اللي وصفوه جوج ديال علماء الاقتصاد الروس نيكولاي شميليف،

21:28وفلاديمير بوبوف فـالكتاب ديالهم The Turning Point

21:31واللي قالوا فيه أن المخططين ديال الدولة زادوا في الثمن

21:34ديال جلد حيوان الخلد في 1982 من 20

21:37لـ50 كوبيك للجلدة، باش يشجعوا الإنتاج.

21:41وهادشي خلى جميع الصيادين يحبسوا على الصيد ديال الحيوانات الآخرين،

21:45ويمشيو يقلبوا على هاد الحيوان بالضبط،

21:48لدرجة أن المستودعات ديالهم، ديال الدولة، عمرات بيه وبدا غير كيخناز.

21:52حيت ما قدروش أنهم يخدموه كامل في الصناعة فاش احتاجوه.

21:57وفاش طلبات الوزارة أن الثمن ديالو ينقص، فخدات هاد القضية وقت كبير.

22:01حيت هاد المؤسسة المسؤولة على الأثمنة كانت متبعة 24 مليون منتوج،

22:07وصعيب أنها تبدل الأثمنة بسرعة، أو بطريقة فعالة.

22:11بينما فـدولة بحال ميريكان فيها 340 مليون واحد،

22:14فكل واحد قادر أنه يتبع الأسعار اللي كتهمو بشكل فردي

22:18وعندها علاقة بالدومين ديالو. لكن حتى مؤسسة ما متبعاها كاملة.

22:23وكل هاد القرارات المعزولة كيتم التنسيق بينها عن طريق العرض والطلب.

22:28فالفلوس كيخليو بنادم يسمع، وردة الفعل د الناس والشركات كتكون أسرع بزاف

22:33من ردة فعل ديال مسؤولين بيروقراطيين ديال شي دولة.

22:37وهاد القصة ديال الاتحاد السوفياتي كاتبين لينا مزيان إلا كان

22:39الثمن خارج من مكتب وماشي من الواقع،

22:42يقدر يعطي رؤية خاطئة لملايين ديال الناس، وتطرى خسارة اقتصادية كبيرة.

22:48ونفس الدرس كنشوفوه غير حدانا. فـ2022 كنت قريت مقال

22:51ديال رويترز على بزاف ديال الفلاحين التونسيين باعوا أغلب القطيع ديالهم،

22:56ونقص الإنتاج ديال الحليب في البلاد بـ85%،

23:00حيت الثمن اللي كتفرضو الدولة ما بقاش كيخليهم يغطيو التكلفة.

23:03والنتيجة كانت نقص الحليب في الأسواق.

23:06فالدولة عطات الأمر اللي بزاف ديال الناس غادي يتفقوا معاه،

23:09هو أن الحليب خاصو يبقى رخيص، والفلاح جاوبها بلا ما يهضر،

23:13حيت إلا كان الحليب رخيص، لكن تحت التكلفة باش كيتم الإنتاج ديالها،

23:18فما غاديش ينتجوه بنفس الكمية.

23:20ما يمكنش تجبر الثمن يهبط ويصحاب لك أن الإنتاج غادي يبقى كيف ما كان.

23:25لبنان حتى هو مثال آخر على هاد القضية، لكن في المحروقات.

23:29حيت حتى هما المحروقات كانوا مدعمين بسعر صرف مصطنع فوسط

23:32الأزمة ديال العملة اللي كانت عندهم، والنتيجة كانت ديما

23:36صفوف طويلة على ليسانس، وسوق سوداء كبيرة، وانتشر التهريب ديالو.

23:40وفاش وصلوا لـ2021 نقصوا الدعم، وهو يطلع الثمن الرسمي بزاف،

23:45لكن الهدف ديالهم كان هو يخففوا من النقص حيت الثمن القديم كان

23:48كيشجع على التهريب والتخلويض كثر من التزويد ديالو لعامة الشعب.

23:53حيت بطبيعة الحال بغينا الثمن يهبط وكنكرهو أن الثمن يطلع

23:58وغادي يضرك فجيبك ولكن الثمن المزور ما كيحلش المشكل.

24:02لكن غير غادي يخلي البومبة خاوية والصف عليها طويل.

24:06نفس الدرس غادي نتعلموه من مصر لكن هاد المرة

24:09فالعملة ديال الدولار اللي حتى هو عندو ثمن.

24:12لكن الدولة ديالهم حددات السعر بـ 31 جنيه رسمياً

24:16لكن الناس فالسوق كانو مستعدين يخلصو 50 جنيه باش يشريوه.

24:19هاد الشي ماشي حيت السوق شرير أو السماسرية طماعة حيت فعلاً راه كلشي باغي يربح.

24:25لكن الثمن الرسمي ما كيعكسش الندرة ديال الدولار فمصر.

24:29وفي 2023 الفرق بين السعر الرسمي والسوق السوداء كان كبير بزاف.

24:35والدولار نقص بزاف وخلا أنه يوقفو الاستيراد وكثرات السلعة في الموانئ.

24:40حيت ملي كتمنع الثمن باش يقول الحقيقة ديال الوضع

24:43هاد الحقيقة غادي تخرج ليك من قنت آخر كسوق سوداء ولا تأخير رشوة

24:49ولا غادي يوليو الناس اللي ما عندهمش accès

24:51وناس اللي عندهم بسبب الفساد وشكون اللي كيعرفو، باك صاحبي.

24:56ونفس اللوجيك كيبان فالكرا ديال الديور أو التحكم فالثمن ديال الكرا.

25:00وهاد السياسة ديال التحكم فالأسعار ديال الكرا تطبقات فمدن

25:04كثيرة من القاهرة، الرباط، نيويورك، ساو باولو.

25:07وفكل مرة كتعطي نتائج مشابهة.

25:10فواحد الدراسة تدارت فسان فرانسيسكو

25:13بينات على أن نظام التحكم بالإيجار نقص بزاف من العرض ديال الكرا بـ 15%

25:19وهاد الشي ساهم فارتفاع الإيجار فالمدينة كاملة.

25:22ونفس الشيء فستوكهولم هاد النظام ديال التحكم فالأسعار ديال ديال الكرا

25:26خلا مدة الانتظار باش تاخد الدار بالثمن

25:29اللي حددات الدولة طويل بزاف يقدر يوصل لتسع سنين.

25:32يعني تسع سنين ديال الانتظار.

25:35وكاين كثر من 800 ألف واحد دافع باش ياخد الكرا ومازال ما وصلوش الدور.

25:40أما فنيويورك ففيها قوانين قديمة ديال التحكم فالكرا.

25:44والنتيجة ما كانتش هي أن السكن ولا متوفر ورخيص للجميع

25:48بل بالعكس العرض نقص بزاف حتى وصل معدل الشقق الخاوية

25:52والموجودة فعلاً للكرا لحوالي 1.4% فقط.

25:56وفي الشقق الخاضعة لهاد rent stabilization

26:00نزل المعدل لأقل من 1%. يعني قانونياً

26:04الثمن رخيص ولكن عملياً رجع مستحيل تلقى دار بثمن مزيان.

26:09وزيد على هاد الشي أن هاد السياسات هادو خلقات واحد الظاهرة

26:14كانو سماوها الصحافة الأمريكية بـ ghost apartments

26:17وكيعني شقق خاوية ولكن ما كاينينش فالسوق ديال الكرا

26:20حيت مول الدار كيلقى راسو قدام معادلة خاسرة.

26:24الثمن ديال الكرا القانوني محدود ولكن باش دير

26:27الصيانة والتأمين والضرائب والإصلاحات طالعين بزاف.

26:31وكاين أمثلة فمانهاتن ديال شي des appartements

26:35اللي الكرا ديالهم القانوني قل من 900 دولار

26:39لكن خاصها واحد 100 ألف دولار ولا 200 ألف دولار

26:42ديال الإصلاحات باش ترجعها صالحة للسكن. والبنك bien sûr

26:45ما غاديش يعطيك قرض باش تصلح شي حاجة اللي ما غاديش ترجع ليك فلوسها.

26:50يعني فاش كتمنع الثمن يطلع ما كتمنعش التكلفة تطلع،

26:53غير كتقتل الحافز باش الناس يبنيو ديور جداد أو يصلحوهم

26:58أو يدخلو دوك الشقق للسوق باش يتكراو.

27:01وهادي هي المشكلة ديال التحكم في الأثمنة، فالسياسي كيقول لك حنا حمينا المستهلك

27:07لكن في الواقع السياسة ديالو خلقات سوق فيها شقق أقل،

27:11انتظار أطول وواحد الصيانة اللي ما كايناش.

27:14وغير باش نكونوا واضحين، المشكل ماشي غير فاش الدولة كتفرض شي ثمن هابط،

27:18لكن حتى فاش كتفرض ثمن عالي، ولا كتضمن شراء الإنتاج بأي ثمن.

27:23هنا الدولة كتخلق فائض اللي كيؤدي للتبذير.

27:26فالسبعينات وفي بداية الثمانينات مثلا الاتحاد الأوروبي دار سياسات

27:30زراعية خلقات إنتاج كبر من الطلب حيث الدولة ضمنات للفلاحة

27:34أثمنة عالية وضمنات أنها تشري الإنتاج ديالهم بالثمن اللي بغاو.

27:39والنتيجة كانت أن الفلاحة نتجات أكثر بزاف من شنو بغاو يشريو الناس.

27:44وكاين مقالات من ديك الوقيتة كتعاود على الجبال

27:47ديال الزبدة وبحيرات كبار ديال الشراب والنبيذ

27:50حيث المخازن عمرو بهاد الشيء لدرجة كبيرة وبقاو حتى ضاعوا وترماو.

27:54وحتى في أمريكا اللي بزاف كيتخيلوها سوق حرة مطلقة حتى

27:58هي جربات التحكم في ثمن المحروقات في الأزمات بحال في السبعينات.

28:03وحتى هي النتيجة كانت بنادم أنه ولى كيشد الصف قدام البومبة د ليسانس

28:07وما كيقدرش يوصل للمنتوجات.

28:10وكاين واحد المثال آخر كيتكرر بزاف في العالم وهما قوانين

28:14منع استغلال الأزمات في الأسعار بعد الكوارث الطبيعية.

28:18بحال فاش كيوقع شي فيضان ولا شي زلزال،

28:20الطلب على الماء والجينيراتور والثلج والمواد الأساسية كيزيد.

28:24والقانون فاش كيمنع البائع يطلع الثمن باسم العدالة والرأفة

28:30النتيجة كتكون العكس، حيث فاش الثمن كيكون ممنوع يطلع ما كيبقاش حافز

28:34باش التجار من مناطق أخرى ياخدوا الريسك ويجيبوا السلعة للمناطق المنكوبة بسرعة.

28:40وما كاينش حافز باش الناس يقتصدوا في داك الشيء اللي كاين.

28:43فبدل ما الثمن العالي يجيب العرض ويرشد الاستهلاك والطلب

28:48كيختفيو المنتجات حتى للناس اللي محتاجينها بزاف وخا بثمن طالع وما كيلقاوهاش.

28:54حيث الثمن العالي في الأزمة ربما كيبان ظلم أو جشع،

28:57لكن هو في الحقيقة إشارة كتقول هاد الحاجة ولات نادرة بزاف

29:01عفاكم جيبوها لهاد البلاصة واقتصدوا فيها.

29:04وهنا القاعدة اللي خاصنا نفهموها: إلا منعتي الثمن يطلع،

29:07ماشي معناها التكلفة اختفات، غير بدلات الشكل.

29:11وإما غادي تخلصها فالانتظار، ولا فالضريبة، ولا فالتهريب،

29:14ولا فالرداءة ديال المنتوج، ولا فغياب المنتوج من السوق أصلاً.

29:19وإلا كان عزيز عليك تقرا التاريخ، مثلاً غادي تلقى قصة ديال مدينة أنتويرب

29:23البلجيكية فالقرن 16 فاش كانت محاصرة من طرف الإسبان،

29:27وكانوا باغيين يخليوها بالجوع حتى تستسلم.

29:30فداك الوقت بطبيعة الحال الماكلة كانت غالية بزاف فوسط المدينة المحاصرة،

29:34لكن هاد الغلا ما كانش غير رقم عشوائي ولا طمع ديال التجار،

29:38كان معلومة واضحة بسبب الثمن. حيث الماكلة ولات قليلة،

29:42واللي غادي يدخلها للمدينة خاصو يخاطر بحياتو، ويحاول يخترق داك الحصار.

29:47وفعلاً هاد الثمن المرتفع خلى بعض الناس يغامروا ويدخلوا الماكلة للمدينة،

29:53حيث الربح كان كيعوض الخطر اللي كيتعرضوا ليه.

29:56لكن السلطات ديال أنتويرب فداك الوقت دارت حل بان...

30:00اللي ربما يبان إنساني، وهوما يحددوا الثمن

30:03ويمنعوا الناس يبيعوا بأكثر من السعر الرسمي.

30:07والنتيجة كانت كارثية، حيث الناس ولاو كيشريو ويستهلكوا أكثر،

30:10مع الثمن ديال المواد الغذائية اللي... اللي هو مصطنع ورخيص،

30:15وفي نفس الوقت الموزعين ما بقاش عندهم الحافز

30:17باش يخاطروا ويدخلوا هاد الماكلة فوسط الحصار ديال الصبليون.

30:21يعني الدولة ما حلاتش مشكل الندرة، غير حبسات الإنذار اللي كان كيعلم الناس بيها.

30:27وفي الأخير، المؤن سالات والمدينة اضطرات أنها تستسلم،

30:31والأسعار كانت هي الإشارة، وفاش حبسوا ديك الإشارة

30:34حبسوا حتى الحافز اللي كان ممكن ينقذ المدينة.

30:38ونفس المنطق تكرر من بعد فبزاف ديال البلايص وبزاف ديال الأزمنة،

30:42بحال مثلاً فـ الفترة اللي مور الحرب العالمية الثانية،

30:45ناضوا الحلفاء فألمانيا وداروا تقييد الأسعار باش يضمنوا القدرة على الشراء

30:49للناس فالبلاد اللي رجعات منكوبة بالحرب، لكن النتيجة كانت سوق سوداء

30:53كبيرة والإنتاج تراجع بـ50% على الفترة اللي قبل من الحرب.

30:57وهنا تدخل الاقتصادي لودفيغ إيرهارد اللي كان وزير الاقتصاد

31:00فألمانيا الغربية اللي كانت تحت الإدارة الأمريكية والإنجليزية،

31:04وكان كَيَامَن بأن الاقتصاد خاصو يعتمد على السوق الحر،

31:08والأسعار اللي كتحدد بالعرض والطلب، وماشي بالتحكم ديال الدولة.

31:13وهاد الشيء علاش ناض وحيد بزاف ديال القيود على الأسعار والإنتاج،

31:17بلا حتى ما ياخد الموافقة ديال الحلفاء.

31:20وبالزربة، السلعة اللي كانت مختفية بدات كتخرج للحوانت،

31:24والسوق السوداء اللي كانت فألمانيا بدات كتضعف والإنتاج الصناعي طلع.

31:28هاد إيرهارد غادي يتعترف ليه من بعد على أنه

31:31واحد من أبرز المهندسين ديال المعجزة الاقتصادية الألمانية،

31:34اللي خلات الاقتصاد الألماني يكبر بسرعة كبيرة فالخمسينات وفالستينات.

31:38وإيرهارد غادي يرجع مستشار ألمانيا، والسياسات ديالو رجعات

31:41الاقتصاد الألماني من أكبر الاقتصادات في العالم.

31:45ومن هاد الشي كامل غادي نرجعوا للسياسة،

31:48حيث كاين واحد القاعدة مهمة وهي أنه ما خاصش نحكموا

31:51على السياسة بالنوايا ديالها لكن بالنتائج ديالها.

31:55والفرق بين الإنسان اللي كيخدم بالمشاعر ديالو هو أنه غادي

31:58يوقف عند المرحلة الأولى ديال: أجي نقننوا الأسعار.

32:02إذن السلعة غادي تولي رخيصة، لكن الإنسان الواعي واللي

32:05قاري شوية ديال الاقتصاد غادي يسول: وشنو غادي يوقع من بعد؟

32:09فمثلاً شي سياسي غادي يدغدغ المشاعر وغادي يقول لك: نقيدوا الثمن ديال الكرا.

32:14فالمرحلة الأولى الكرا غادي يولي رخيص، والمرحلة الثانية

32:17الملاك وأصحاب الأراضي ما غاديش يبنيو، والمرحلة الثالثة

32:21السكنى غادي غادي تنقص، وغادي يولي باش تلقى دار غادي يصعاب.

32:25أولا مثلاً غادي يقول لك، كيما داروا في تونس،

32:28نمنعوا الفلاح أنه يبيع بثمن غالي ونحددوا ثمن المنتوجات.

32:33وهادي نيت كانت بغات ديرها حتى كامالا هاريس اللي كانت هادي وحدة

32:36من الوعود ديالها الانتخابية قبل ما تخسر مع ترامب.

32:40وكيما شفنا قبيلات، المرحلة الأولى غادي يولي الحليب رخيص، المرحلة الثانية

32:44الفلاح غادي يبيع القطيع ديالو، والمرحلة الثالثة ما غاديش يبقى الحليب.

32:48يعني النية ديال السياسي ربما مزيانة وإنسانية،

32:52لكن النتيجة ديالو هي العكس تماماً.

32:55وهاد الشي علاش بزاف ديال الناس ملي كيسمعوك كتقول:

32:57خليو الأسعار حرة، كيحسوا بأنك كتقول لهم:

33:00خليو الفقير يموت، لكن هادي مغالطة كبيرة.

33:04الثمن الحر ماشي برنامج اجتماعي بوحدو، الثمن الحر هو جهاز قياس.

33:08إلا كان الفقير ما قادرش يخلص الدوا ولا النقل ولا الكرا،

33:11هادي مشكلة حقيقية وخاص المجتمع يعالجها.

33:14لكن خاصنا نعالجوها بشي مساعدة واضحة ومباشرة،

33:17وماشي باش نحيدوا السعر الحقيقي حتى يولي السوق كيكذب على الجميع.

33:23فربما تقدر تعاون الفقير مباشرة، ولكن

33:26ما خاصكش تكذب على الثمن، حيث الأسعار المزورة غتخرج علينا كاملين.

33:31أما الدولة، الدور ديالها ماشي هي تقول لك مطيشة بـ 3 دراهم ولا بـ 4 دراهم.

33:36الدولة اللي فعلاً بغات تعاون المواطنين ديالها، غتبني الطرقان اللي غادي تسهل

33:40أن البيزنس يدار على جميع أرجاء البلاد، غادي تفتح الباب

33:44للمنافسة الحرة في السوق، غتحارب الفساد والاحتكار،

33:47وغتعطي المعلومة للفلاحة والمستهلك وماشي غير السمسار.

33:51حيث مشكل الفلاح الصغير هو مثلاً ما عارفش الثمن الحقيقي ديال المنتوج

33:55ديالو في المدينة بينما الوسيط عارف، فالسمسار كياخد داك الفرق كامل.

34:00هاد الشي علاش في الهند داروا واحد المنصة وطنية كتربط

34:03آلاف الأسواق الفلاحية في منصة وحدة، والفلاح

34:07في الهند ولى كيشوف الطلب والثمن في البلاد كاملة،

34:11ماشي غير في السوق ديال الدوار ديالو.

34:14وفي الهند هاد المنصة وصلت لأكثر من 1600 سوق، وملايين الفلاحة مسجلين فيها.

34:19وقبل منها كان تدار هاد البلان في نيجيريا، والدراسات بينوا

34:22على أن ملي وصل التيليفون للصيادة والفلاحة،

34:26الفرق في الأثمان بين الأسواق نقصات، والتبذير نقص حتى هو،

34:30والفلاح ولى طرف قوي في المعادلة.

34:33ماشي حيت قيدوا الأسعار لكن حيت حرروا المعلومة،

34:35وهادي بالضبط الفكرة اللي بدينا بها: الأسعار هي معلومة،

34:39وكلما خليتي المعلومة توصل للناس كثر، فالسوق غادي يخدم حسن.

34:44وهاد الشي اللي خاص يدار في المغرب: خاص تحديث لأسواق الجملة،

34:47وتدارو أدوات رقمية تعطي معلومات الثمن للفلاح والمواطن،

34:51واللي تربط الفلاح الصغير باللي كيشريو مباشرة.

34:55المهم، خلاصة هاد الفيديو اللي بغيت نوصل ليه،

34:58هو أن الأسعار أو الثمن ماشي هو العدو ديالنا.

35:01السعر ماشي حكم أخلاقي على شي واحد أنه طماع ولا أن قلبو كبير.

35:06الثمن اللي كنشوفو على أي حاجة هو ميساج بحال تيرموميتر.

35:11إلى طلع، فراه كيقول لك راه كاين خصاص، وإلى نزل كيقول لك راه كاين نقص فهاد الشي.

35:16وإلى بان لك أن كاين الربح، فالميساج هو أنك خاصك تزيد من داك الشي حيت الناس بغاوه.

35:21وإلا كانت الخسارة، فالميساج واضح:

35:22هو حبس، راك كتضيع وقتك وكتضيع المواد اللي كتخدم بها.

35:26وهاد الميساج اللي كيرسل لينا السعر أو الثمن هو

35:29أكثر صدقا من أي هضرة ديال سياسي أو سياسية،

35:33حيت السياسيين غادي يوعدوك بكل شي، لكن الواقع حاجة خرى.

35:37وإلى سمعتي شي واحد كيطلب أو كيوعدك أنه ينقص لك من الأسعار بطريقة مباشرة،

35:42فغير تفكر المصائب اللي طراو في العالم بسبب هاد السياسيين،

35:46اللي بدل ما يحلو المشاكل بطريقة واقعية،

35:49ناضو بغاو يغطيو لينا عينينا بحال النعامة اللي دفنات راسها في الأرض.

35:53بينما الخطر والمشكل ما مشى فين،

35:55غير ما بقيناش كنشوفوه، حتى يجي ويقضي علينا.

36:00شكرا على المتابعة، وإلى عجبك الفيديو، ما تنساش دير جيم وسبسكرايب.