The Invisible Threat Taking Away Our Brightest Minds | Drew McCartor | TED

0:00Translator: Sanntint Tint Reviewer: sun moon

0:03ကောင်းပြီ၊ ခဲဆိပ်သင့်မှုနဲ့ ပတ်သက်ပြီး သတင်းကောင်း ပြောပြဖို့ ကျွန်တော် ဒီမှာ ရောက်ရှိနေပါပြီ။

0:09ဒါပေမဲ့ အရင်ဆုံးတော့ သတင်းဆိုးလေးတစ်ခုပေါ့။

0:12ဒါကတော့ အတိတ်က ပြဿနာတစ်ခုလို့ ကျွန်တော်တို့ သဘောထားခဲ့တဲ့ ဒီကိစ္စဟာ

0:17ဒီနေ့မှာ လူသားတွေအပေါ် စိတ်ကူးလို့တောင် မရနိုင်လောက်တဲ့ ထိခိုက်ဆုံးရှုံးမှုတစ်ခုနီးပါး

0:20ဖြစ်ပေါ်စေနေတာပါ။

0:23တကယ်တော့ ကျွန်တော့်နောက်မှာ ခင်ဗျားတို့ မြင်နေရတာတွေက ကမ္ဘာပေါ်က အသက်အငယ်ဆုံး ကလေးငယ်တွေဆီကနေ

0:26ခဲက ချက်ချင်းလက်ငင်းရော ထာဝရပါ လုယူနေတဲ့

0:30ဉာဏ်ရည်ပြကိန်းတွေပါ၊

0:34ဒီနေ့တစ်နေ့တာ ကုန်ဆုံးချိန်မှာ

0:35ဆုံးရှုံးမယ့် ဉာဏ်ရည်ပြကိန်း အရေအတွက်ဟာ ၂ သန်းကျော်လိမ့်မယ်လို့ ခန့်မှန်းရတယ်။

0:42ပြီးရင် မနက်ဖြန်မှာလည်း နောက်ထပ် ၂ သန်း ဖြစ်ဦးမှာပါ။

0:46ဒီပြဿနာကို ကျွန်တော်တို့ မဖြေရှင်းမချင်း နေ့တိုင်း ဒီလိုပဲ ထပ်ခါတလဲလဲ ဖြစ်နေဦးမှာပါ။

0:53ခဲဟာ ဦးနှောက်ကို ထိခိုက်ပျက်စီးစေရုံသာမက၊

0:55နှလုံးသွေးကြောဆိုင်ရာ ရောဂါတွေ၊ နှလုံးရပ်တာနဲ့ လေဖြတ်တာတွေကြောင့်

0:57ခြောက်ခြားဖွယ်ကောင်းတဲ့

1:00လူဦးရေပမာဏကို သေဆုံးစေနေတာပါ။

1:02တကယ်တော့ နောက်ဆုံး ခန့်မှန်းချက်တွေ

1:04ရရှိထားတဲ့ ၂၀၂၃ ခုနှစ်တုန်းကဆိုရင်

1:06ဖြစ်ပွားနေဆဲ စစ်ပွဲတွေ၊ သဘာဝဘေးအန္တရာယ်တွေ၊

1:11လမ်းမတော်တဆမှုတွေ၊ HIV နဲ့ ငှက်ဖျားရောဂါ

1:13အားလုံးပေါင်းစပ်ထားတာထက်၊

1:17ခဲကြောင့် ဆုံးရှုံးခဲ့ရတဲ့ အသက်တွေက ပို များခဲ့တယ်။

1:22ခဲဆိပ်သင့်မှုနဲ့တင် ဖြစ်တာပါ။

1:25ကျွန်တော်ဟာ “Pure Earth” လို့ခေါ်တဲ့ အကျိုးအမြတ်မယူတဲ့ အဖွဲ့အစည်းတစ်ခုကို ဦးဆောင်ပြီး ခဲဆိပ်သင့်တာကို ကာကွယ်ပေးတယ်။

1:29လွန်ခဲ့တဲ့ နှစ်အနည်းငယ်က၊

1:30ဘင်္ဂလားဒေ့ရှ်က ရွာတစ်ရွာမှာ ခဲညစ်ညမ်းမှုကို ကျွန်တော်တို့ ရှင်းလင်းနေခဲ့ကြတယ်၊

1:34ဒါဟာ လူတစ်စုက ကားဘက်ထရီအဟောင်းတွေကနေ ခဲကို ပြန်လည်အသုံးချဖို့

1:37မြေကွက်တစ်ကွက် ငှားရမ်းလုပ်ကိုင်ရာကနေ ဖြစ်ပေါ်လာတာပါ။

1:40သူတို့က ဘက်ထရီထဲက ခဲပြားတွေကို ထုတ်ယူပြီး

1:43လေဟာပြင်မှာ မီးနဲ့ အရည်ဖျော်ကြတာကြောင့်

1:45အဆိပ်သင့် ဖုန်မှုန့်တွေဟာ တစ်ရွာလုံးကို ပျံ့နှံ့သွားခဲ့တယ်။

1:49အဲဒီနေရာမှာပဲ ဆိုင်မ်နဲ့ ကျွန်တော်တို့ တွေ့ဆုံခဲ့ရတာပါ။

1:54အမှန်တော့ ခဲဆိပ်သင့်နေတဲ့ ကလေးတစ်ယောက်ကို အပြင်ပန်းကြည့်ရုံနဲ့ သိနိုင်မှာ မဟုတ်ပေမဲ့၊

1:58ဆိုင်မ်ရဲ့ မိခင်ကတော့ သိနေခဲ့ပါတယ်။

2:01အဲဒီလူတွေ မရောက်လာခင်တုန်းက ဆိုင်မ်ဟာ ကျောင်းစာမှာ ထူးချွန်ပြီး

2:04အရာရာကို မှတ်မိနိုင်စွမ်းရှိတယ်လို့ မိခင်က ကျွန်တော်တို့ကို ပြောပြတယ်။

2:08ဒါပေမဲ့ နောက်ပိုင်းမှာတော့ သူဟာ အရာရာကို တဖြည်းဖြည်း မေ့လျော့လာခဲ့တယ်။

2:13ဆိုင်မ်က ကျွန်တော်တို့ကို ပြောပြခဲ့တာတွေကို ခင်ဗျားတို့ကို ပြချင်တယ်။

2:16(ဗီဒီယို)

2:17မေးမြန်းသူ။ မင်း ဘယ်နှတန်း ရောက်ပြီလဲ။

2:19ဆိုင်မ်။ ဒုတိယတန်းပါ။

2:20မေးမြန်းသူ။ ဒုတိယတန်းလား။

2:21ဆိုင်မ်။ ဟုတ်ပါတယ်။

2:22မေးမြန်းသူ။ ဘယ်ကျောင်းလဲ။

2:24ဆိုင်မ်။ ရာဂျာဘာရီကျောင်းပါ။

2:25မေးမြန်းသူ။ ကျောင်းမှာ မင်းရဲ့သူငယ်ချင်းတွေက ဘယ်သူတွေလဲ။

2:27ဆိုင်မ်။ မီးမ်။ တခြားသူတွေလည်း အများကြီးပါ။

2:29မေးမြန်းသူ။ မီးမ်က မင်းရဲ့အတန်းဖော်လား။

2:31ဆိုင်မ်။ ဟုတ်ပါတယ်၊ သူက ကျွန်တော်နဲ့အတန်းတူပါ။

2:32မေးမြန်းသူ။ ဘယ်အတန်းလဲ။

2:34ဆိုင်မ်။ တတိယတန်းပါ။

2:35မေးမြန်းသူ။ မီးမ်က တတိယတန်းမှာလား။

2:37ဆိုင်မ်။ ဟုတ်ပါတယ်၊ ကျွန်တော်တို့နှစ်ယောက်စလုံး တတိယတန်းမှာပါ။

2:39မေးမြန်းသူ။ မင်းလည်း တတိယတန်းမှာလား။

2:41ဆိုင်မ်။ ဟုတ်ပါတယ်။

2:42မေးမြန်းသူ။ မင်း ခုနကပဲ ဒုတိယတန်းမှာလို့ ပြောခဲ့တာ မဟုတ်ဘူးလား။

2:45ဆိုင်မ်။ ကျွန်တော် မမှတ်မိတော့ဘူး။

2:46မေးမြန်းသူ။ မင်း မမှတ်မိဘူးလား။

2:48ဟောပြောသူ။ ဆိုင်မ်က သူ ဘယ်နှတန်း ရောက်နေလဲဆိုတာတောင် မသိရှာဘူး။

2:51ကျွန်တော့်မှာလည်း ဆိုင်မ်နဲ့ အသက်တူ သမီးတစ်ယောက်ရှိတယ်။

2:53ခင်ဗျားတို့မှာလည်း ကလေးတွေရှိရင်

2:54သူတို့ရဲ့အတန်း အဆင့်က သူတို့ရဲ့ ကိုယ်ပိုင်လက္ခဏာအတွက် ဘယ်လောက်အရေးပါတယ်ဆိုတာ သိကြပါတယ်။

2:58တတိယတန်းတက်နေတဲ့ ကလေးကို ဒုတိယတန်းလို့ သွားခေါ်လို့ကတော့

3:01နည်းနည်းတော့ အပြောခံရတတ်တယ်နော်။

3:03(ရယ်သံများ)

3:05ဒီတော့ ကလေးတစ်ယောက်က ကိုယ် ဘယ်အတန်းထဲ ရောက်နေလဲဆိုတာတောင် မေ့သွားရအောင်

3:08ခဲက ကလေးတွေရဲ့ ဦးနှောက်ထဲမှာ ဘာတွေ လုပ်နေလဲ။

3:12ဆိုင်မ်ရဲ့ ဦးနှောက်ဟာလည်း တခြားကလေးတွေရဲ့ ဦးနှောက်လိုပဲ

3:16တည်ဆောက်ဆဲ မြို့သစ်တစ်မြို့လိုပါ။

3:19ကယ်လ်ဆီယမ်က မြို့ပြစီမံကိန်း ရေးဆွဲသူတစ်ဦးလို ကဏ္ဍကနေ ပါဝင်ပြီး

3:23သင်ယူမှု၊ မှတ်ဉာဏ်နဲ့ စိတ်ဆန္ဒ ထိန်းချုပ်မှုစတဲ့ ကျွန်တော်တို့ လိုအပ်တဲ့ ကိရိယာ တွေအတွက်

3:26နာဗ်ကြောဆက် လမ်းတွေနဲ့ တံတားတွေကို တည်ဆောက်ဖို့

3:31လုပ်သားတွေကို ညွှန်ကြားတယ်။

3:33ဒါပေမဲ့ ခဲက ခန္ဓာကိုယ်ထဲ ရောက်လာတဲ့အခါ၊

3:35ကယ်လ်ဆီယမ်လို အယောင်ဆောင်တော့

3:37ဦးနှောက်က ကယ်လ်ဆီယမ်အစား ခဲကို အသုံးပြုမိသွားတယ်။

3:40ဒါပေမဲ့ ခဲက အလွန်ညံ့ဖျင်းတဲ့ မြို့ပြစီမံကိန်းရေးဆွဲသူဖြစ်ပြီး

3:44လမ်းပိတ်တွေနဲ့ ဘယ်ကိုမှ မရောက်တဲ့ တံတားတွေကို တည်ဆောက်ဖို့ လုပ်သားတွေကို ညွှန်ကြားတယ်။

3:48ခဲရဲ့ ကမောက်ကမ ကွန်ရက်ကို တည်ဆောက်ပြီးသွားတာနဲ့

3:52ပျက်စီးမှုက ထာဝရ ဖြစ်သွားတယ်။

3:55ပြီးတော့ ဆိုင်မ်တစ်ယောက်တည်း မဟုတ်ဘူး။

3:57ကမ္ဘာတစ်ဝန်းမှာ

3:58ကလေးတွေနဲ့ ဆယ်ကျော်သက် တစ်ဘီလီယံကျော်ရဲ့

4:03သွေးထဲက ခဲပါဝင်မှု ပမာဏဟာ

4:06ကလေးတစ်ယောက်ရဲ့ ဘဝမှာ ဝင်ရောက်ဆောင်ရွက်ပေးရမယ့် ကမ္ဘာ့ကျန်းမာရေးအဖွဲ့ရဲ့

4:09အနိမ့်ဆုံး သတ်မှတ်ချက်ထက် ကျော်လွန်နေတယ်။

4:12တစ်ဘီလီယံပါ။

4:14ဒါက သုံးယောက်မှာ တစ်ယောက်နှုန်းပါ။

4:18ကဲ၊ ခင်ဗျားတို့ရဲ့ ကလေးတွေကို ကြည့်ပြီး

4:21ဘယ်ကလေးကို ရွေးချယ်ရမလဲဆိုတာ စိတ်ကူးကြည့်လိုက်ပါ။

4:26ဒီကလေးအားလုံးနီးပါးက ဝင်ငွေနည်းပြီး အလယ်အလတ်ဝင်ငွေရှိတဲ့

4:29နိုင်ငံတွေမှာ နေထိုင်ကြတာပါ၊

4:31အဲဒီမှာ ပျမ်းမျှကလေးတစ်ယောက်ဟာ ခဲကြောင့် သူတို့ရဲ့ဉာဏ်ရည်ပြကိန်းမှာ ၄ မှတ်ကနေ ၅ မှတ်ခန့်အထိ

4:36လျော့ကျသွားနိုင်လောက်အောင် ထိတွေ့မှုအဆင့် မြင့်မားနေကြတာပါ။

4:42ဒီပမာဏဟာ ဉာဏ်ရည် မျဥ်းကွေး တစ်ခုလုံးကို အောက်ဘက်ကို ဆွဲချပစ်လိုက်တာဖြစ်ပြီး

4:48ဉာဏ်ရည်ပြကိန်း ၁၃၀ နဲ့ အထက်ရှိတဲ့ ကလေးအရေအတွက်ကို

4:51တစ်ဝက်အထိ လျော့နည်းသွားစေတယ်။

4:55သူတို့က ပါရမီရှင်ကလေးတွေပါ။

4:57ဒါတင်မကဘဲ ဉာဏ်ရည်ချို့ယွင်းမှုကို ရင်ဆိုင်နေရတဲ့ ဉာဏ်ရည်ပြကိန်း ၇၀ အောက်ရှိတဲ့ ကလေးအရေအတွက်ကိုလည်း

5:02တစ်ဝက် ပိုတိုးပွားလာစေတယ်။

5:07ကဲ၊ ကလေးတစ်ယောက်ရဲ့ အလားအလာကို လုယူလိုက်ရင်၊ ဒါဟာ ကြေကွဲစရာတစ်ခုဆိုတာကို

5:12ကျွန်တော်တို့ သဘောတူကြလိမ့်မယ်လို့ ယူဆပါတယ်။

5:14ဒါပေမဲ့ ကလေးပေါင်း တစ်ဘီလီယံကို ဒီလိုလုပ်လိုက်တာက

5:17လူသားမျိုးနွယ်ရဲ့ လမ်းကြောင်းကို ပြောင်းလဲသွားစေတာပါ။

5:24ကဲ၊ ဒါတွေကတော့ သတင်းဆိုးတွေပေါ့။

5:26အခု သတင်းကောင်းပေါ။

5:28ဒါက ဖြေရှင်းလို့ရပါတယ်။

5:31ဒါက...

5:32(လက်ခုပ်၊ဩဘာသံများ)

5:37ဒါက နိုင်ငံရေးအရ သဘောမတူညီတာ၊ ကုန်ကျစရိတ် များလွန်းတာ ဒါမှမဟုတ် မှော်ဆန်တဲ့

5:40နည်းပညာအသစ်တစ်ခုခု လိုအပ်တာကြောင့်

5:41တိုးတက်မှု ရရှိဖို့ ရုန်းကန်ရမယ့်

5:44ကမ္ဘာလုံးဆိုင်ရာ ပြဿနာတွေထဲက တစ်ခုမဟုတ်ဘူး။

5:47ဒါက ကျွန်တော်တို့မှာ ရှိပြီးသား ကိရိယာတွေနဲ့ ဒီနေ့ခေတ်မှာ ဖြေရှင်းလို့ရနိုင်တဲ့ ပြဿနာတစ်ခုပါ။

5:51ဒါကို ကျွန်တော်တို့ သိနေတာက လွန်ခဲ့တဲ့ ၂၅ နှစ်လုံးလုံး

5:54Pure Earth က ကာကွယ်ရေး နည်း‌ဗျူဟာတွေကို စမ်းသပ်ခဲ့တာကြောင့်ဖြစ်ပြီး

5:58အစိုးရတွေက အဓိက အဆင့် ၃ ဆင့်ကို လုပ်ဆောင်တဲ့အခါ၊ ခဲပါဝင်မှုကို

6:02သိသိသာသာ လျှော့ချနိုင်တာကို ကျွန်တော်တို့ သိရှိခဲ့ရတယ်။

6:04ဒီတော့ ဒီမှာ စံပုံစံပါ။

6:06ပထမ၊ ကလေးတွေရဲ့ ခဲထိတွေ့မှု ပမာဏတွေနဲ့ပတ်သက်တဲ့ တစ်နိုင်ငံလုံး ကိုယ်စားပြုတဲ့ စစ်တမ်းတစ်ခု ကောက်ယူတာပါ။

6:12ဒါဟာ ကလေးအရေအတွက် ဘယ်လောက်ဆိုတာနဲ့ သူတို့က ဘယ်မှာဆိုတာကို သိရှိရအောင်

6:15အခြေခံ တည်ဆောက်ဖို့

6:17ကလေး နှစ်ထောင်ခန့်ရဲ့ သွေးကို စစ်ဆေးတာကို ဆိုလိုလေ့ရှိတာပါ။

6:20ဒါပေမဲ့ အဓိကအနေနဲ့ ဒါက အစိုးရတွေကို ၎င်းတို့ရဲ့ ကိုယ်ပိုင်အချက်အလက်တွေနဲ့ တွန်းအားဖြစ်စေတယ်၊

6:25ဘာလို့လဲဆိုတော့ သတင်းက အများအားဖြင့် ဆိုးရွားလေ့ရှိလို့ပါ။

6:28ဒုတိယအနေနဲ့ ခဲက ဘယ်ကလာနေတာလဲဆိုတာကို ဖော်ထုတ်ရမှာပါ။

6:31အနောက်နိုင်ငံတွေမှာ သုတ်ဆေးနဲ့ ပိုက်လိုင်းတွေအကြောင်းကို ကျွန်တော်တို့ အများဆုံး ပြောလေ့ရှိကြပြီး

6:34ဒါတွေက အခြားနိုင်ငံတွေမှာလည်း ပြဿနာတွေဖြစ်နေတာပါ၊

6:36ဒါပေမဲ့ ထိတွေ့မှုရင်းမြစ်တွေက နေရာဒေသအလိုက် အတော်ကြီး ကွဲပြားပြီး

6:40အစားအစာနဲ့ ဟင်းခတ်အမွှေးအကြိုင်တွေ၊ ရိုးရာအလှကုန်နဲ့ ဆေးဝါးတွေ၊

6:43ကြွေရည်သုတ်အိုးခွက်တွေ၊ ဈေးပေါတဲ့ အလူမီနီယမ် အိုးခွက်တွေ၊

6:47ဆိုင်မ် ကြုံတွေ့ခဲ့ရတဲ့ စက်မှုလုပ်ငန်းဆိုင်ရာ ညစ်ညမ်းမှုလို အရာတွေ ပါဝင်နိုင်တယ်။

6:52ဒါပေမဲ့ အဓိကအချက်က ကျွန်တော်တို့ ဦးစားပေးတွေကို ခွဲခြားသတ်မှတ်ဖို့ လိုအပ်တယ်။

6:56ဒီနောက် တတိယနဲ့ အရေးအကြီးဆုံးအချက်က

6:58ကျွန်တော်တို့ရဲ့ စီးပွားရေးစနစ်နဲ့ ပတ်ဝန်းကျင်ကနေ ခဲကို ထိန်းချုပ်၊ ဖယ်ရှားရမှာပါ။

7:02ဒါက စံချိန်စံညွှန်းတွေ တင်းကျပ်တာ၊ စည်းကမ်းလိုက်နာစေရေး စွမ်းဆောင်ရည်တွေကို တိုးမြှင့်တာနဲ့

7:06ညစ်ညမ်းနေတဲ့ နေရာဟောင်းတွေကို ရှင်းလင်းတာမျိုးပါ။

7:10ဒီတော့ ဒါက စံပုံစံပါ။

7:13ဒါက လွယ်တယ်လို့ ကျွန်တော် ဟန်မဆောင်ချင်ဘူး။

7:15မလွယ်ကူပေမဲ့၊ ရှုပ်ထွေးနက်နဲနေတာလည်း မဟုတ်ဘူး။

7:18ဒါက အလုပ်ဖြစ်တယ်။

7:20၂၀၁၈ ခုနှစ်မှာ ဂျော်ဂျီယာနိုင်ငံက UNICEF နဲ့ ပူးပေါင်းကာ နိုင်ငံလုံးဆိုင်ရာ စစ်တမ်းတစ်ခု ကောက်ယူခဲ့ပြီး

7:26ဂျော်ဂျီယာ ကလေးငယ် ၄၁ ရာခိုင်နှုန်းမှာ WHO ရဲ့ အနိမ့်ဆုံး သတ်မှတ်ချက်ထက် ကျော်လွန်နေတာကို တွေ့ရှိခဲ့ရတယ်။

7:33အစိုးရက Pure Earth ကို ဖိတ်ခေါ်ခဲ့ပြီး

7:35အတူပူးပေါင်းကာ အဓိကအကြောင်းရင်းအဖြစ် ညစ်ညမ်းတဲ့ ဟင်းခတ်အမွှေးအကြိုင်တွေကို ဖော်ထုတ်ခဲ့တယ်။

7:40လူတွေက ဟင်းခတ်အမွှေးအကြိုင်တွေကို လိမ္မော်ရောင်နဲ့ အနီရောင်

7:43တောက်ပဖြစ်စေဖို့ ခဲအခြေခံဆိုးဆေးတွေကို ထည့်ခပ်နေခဲ့ကြတာပါ။

7:46အစိုးရက စည်းမျဉ်းတွေကို တင်းကျပ်ခဲ့ပြီး

7:48စည်းကမ်းလိုက်နာစေရေး စွမ်းဆောင်ရည်တွေကို တိုးမြှင့်လိုက်တော့

7:50ဒီနေ့မှာ ဂျော်ဂျီယာက ခဲဓာတ်ဒဏ် အပြင်းထန်ဆုံး ခံစားခဲ့ရတဲ့ ဒေသတွေမှာ ၇၅ ရာခိုင်နှုန်းအထိ လျော့ကျသွားပါပြီ။

7:56အစိုးရက ဒီလုပ်ငန်းစဉ်ကို ဦးဆောင်ပြီး မျိုးဆက်သစ်တွေကို ကောင်းကောင်း ကာကွယ်စောင့်ရှောက်လိုက်တာပါ။

8:01(လက်ခုပ်သံများ)

8:06ဒါပေမဲ့ ဂျော်ဂျီယာတစ်နိုင်ငံတည်း မဟုတ်ဘူး။

8:08ဖိလစ်ပိုင်မှာ ပထမဆုံးအကြိမ် ကြီးမားတဲ့ စစ်တမ်းကောက်ယူရာမှာ ကျွန်တော်တို့ ကူညီပေးခဲ့တယ်။

8:11ဂါနာမှာ ခဲထိတွေ့မှု ရင်းမြစ်တွေကို ရှာဖွေဖော်ထုတ်ရာမှာ ကူညီပေးခဲ့တယ်။

8:15မက္ကဆီကိုမှာ ခဲအခြေခံ ကြွေရည်သုတ်ဆေး အသုံးပြုမှုကို လျှော့ချဖို့လည်း ကူညီပေးခဲ့တယ်။

8:18တိုးတက်မှုတွေ ရရှိနေတဲ့ နိုင်ငံတွေနဲ့ အဖွဲ့အစည်းတွေရဲ့

8:21ဥပမာ ဒါဇင်ပေါင်းများစွာလည်း ရှိပါသေးတယ်။

8:25ကဲ

8:29ခဲက ဆိုင်မ်ဆီကနေ လုယူသွားတာတွေကို ကျွန်တော်တို့ သူ့ကို ပြန်မပေးနိုင်ဘူး။

8:34ဒါပေမဲ့ လက်ရှိအချိန်မှာ တည်ဆောက်ဆဲ နုနယ်တဲ့

8:38ဦးနှောက်တွေ သန်းပေါင်းများစွာ ရှိနေပါသေးတယ်။

8:42ခဲက သူတို့ဆီ မရောက်ခင် ကျွန်တော်တို့က အရင်ရောက်ဖို့ လိုအပ်တယ်။

8:47ဒါက အစီအစဉ်ပါ။

8:49Audacious Project ရဲ့ အလှူရှင်အသိုင်းအဝိုင်းက ပံ့ပိုးမှုနဲ့အတူ၊

8:52ခဲအဆိပ်သင့်နေတဲ့ ကလေးငယ် သန်း ၅၀၀ ရှိနေတဲ့ နိုင်ငံပေါင်း ၂၀ ကျော်မှာ

8:55ကျွန်တော် ခုနက ပြောပြခဲ့တဲ့ စံပုံစံကို စတင်အကောင်အထည်ဖော်နေပါတယ်။

9:00လာမယ့် ၈ နှစ်အတွင်းမှာ ဒီအစီအစဉ်ဟာ အဲဒီကလေးငယ်

9:03သန်း ၅၀၀ တင်မကဘဲ၊ သူတို့နောက်က လိုက်ပါလာမယ့် မျိုးဆက်တိုင်းရဲ့

9:07ဉာဏ်ရည်စွမ်းဆောင်ရည်၊ ကျန်းမာရေးနဲ့ အသက်ရှည်ရေးကိုပါ

9:11မြှင့်တင်ပေးနိုင်လိမ့်မယ်လို့ ကျွန်တော် ယုံကြည်တယ်။

9:14(လက်ခုပ်၊ဩဘာသံများ)

9:22အခုဆိုရင် ခဲဆိပ်သင့်မှုအကြောင်းကို ကမ္ဘာပေါ်က လူတိုင်းနီးပါးထက်

9:28ခင်ဗျားတို့ ပိုသိသွားကြပါပြီ။

9:30(ရယ်သံများ)

9:31အဲဒီအချက်ကပဲ ကျွန်တော်တို့ရဲ့ အဓိက စိန်ခေါ်မှု ဖြစ်နေဆဲပါ။

9:37ဒါကြောင့် လူတွေကို ပြောပြပေးကြပါ။

9:39ဒီပြဿနာ ဘယ်လောက်အထိ ကြီးမားလဲဆိုတာကို ပြောပြပါ၊

9:41ပြီးတော့ ဒါကို ကျွန်တော်တို့ ဖြေရှင်းနိုင်တယ်ဆိုတာကိုလည်း ပြောပြပေးကြပါ။

9:44ကျေးဇူးတင်ပါတယ်။

9:46(လက်ခုပ်၊ဩဘာသံများ)